Падтрымаць каманду Люстэрка
Беларусы на вайне
  1. Как российским СМИ приказано освещать переговоры в Стамбуле и почему туда отправили переговорщиков 2022 года — мнение экспертов
  2. «Это была сковородка, меня ударили ей по ягодицам». Поговорили с парой, которую на годы разлучили из-за фото с марша
  3. Ёсць пенсійная праблема, якую сілавікі вырашылі для сябе ў 2020-м, хоць Мінпрацы «пратэставала». Іншым не так пашанцавала — яшчэ актуальная
  4. «Зніклі ўсе абмежавальнікі». Навошта беларускія вайскоўцы спявалі на Краснай плошчы хвалебную песню пра Лукашэнку — меркаванне аналітыка
  5. «Я разумею пункт гледжання Пуціна». «Люстэрка» пабывала на выступе Барака Абамы ў Польшчы — расказваем
  6. Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»
  7. Неафіцыйным заданнем было «трахацца за радзіму». Расказваем пра цынічную аперацыю спецслужбаў, якая ламала жаночыя лёсы
  8. Без песень Меладзэ і ў форме: як пройдуць выпускныя ў школах і дзіцячых садках
  9. «Трамп пралічыўся». Вядомы амерыканскі філосаф Фрэнсіс Фукуяма спрагназаваў, калі наступіць мір ва Украіне — пераказваем галоўнае
  10. «С точки зрения силовиков, работа — удобное место». Как сейчас задерживают «за политику» и кто в зоне риска — рассказываем
  11. «Старшим медсестрам угрожали уголовными делами за график дежурств». Что происходит в беларусском здравоохранении — рассказы с мест
  12. Сустрэча завершаная — перамовы ўкраінскай і расійскай дэлегацый у Стамбуле доўжыліся каля дзвюх гадзін
  13. «Наша Ніва»: Следам за «Еўраоптам» вобшукі адбыліся і ў «Дабраноме»
  14. Пратасевіч расказаў, колькі зарабляе велакур'ер сэрвісу «Яндэкс.Ежа»
Читать по-русски


Войска Польскае ўжо сёлета атрымае на ўзбраенне амерыканскія рэактыўныя сістэмы залпавага агню (РСЗА) HIMARS. Устаноўкі, якія выдатна зарэкамендавалі сябе на вайне ва Украіне, атрымаюць на ўзбраенне часткі, што базуюцца недалёка ад Беларусі. Пра гэта ў інтэрв'ю выданню Gazeta Olsztyńska паведаміў віцэ-прэм'ер і міністр нацыянальнай абароны краіны Марыюш Блашчак.

Ракетная установка HIMARS на выставке в Lockheed Martin Camden Operations в Камдене, штат Арканзас, США, 27 февраля 2023 года. Фото: Reuters
Ракетная ўстаноўка Himars на заводзе Lockheed Martin у Камдэне, штат Арканзас, ЗША, 27 лютага 2023 года. Фота: Reuters

— Мы ўмацоўваем войска па ўсёй краіне, але асабліва ва ўсходняй частцы. У Варміньска-Мазурскім ваяводстве мы таксама асабліва ўзмацняем войскі, — расказаў Блашчак. — У Ожышы, у 15-й механізаванай брыгадзе (частка 16-й Паморскай механізаванай дывізіі. — Заўв. рэд.) яшчэ сёлета ў нас будуць HIMARS, то-бок ракетная артылерыя далёкасцю да 300 км, такая эфектыўная ў руках украінцаў, якія абараняюць сваю радзіму, — сказаў Блашчак.

Ожыш — горад у паўночна-ўсходняй частцы Польшчы, за 60 км ад мяжы з Калінінградскай вобласцю Расіі і за 100 км — ад мяжы з Гродзенскай вобласцю Беларусі. Непадалёк знаходзіцца так званы Сувалкскі калідор — участак польска-літоўскай мяжы, побач з якім Калінінградская вобласць РФ бліжэйшая за ўсё да Беларусі (тэрыторыі краін там раздзяляе каля 60 км).

Паводле ранейшай інфармацыі, гаворка пра батарэю HIMARS з пула, замоўленага яшчэ ў 2019 годзе. Тады Польшча набыла 20 установак амерыканскіх РСЗА (18 баявых і дзве навучальныя). Пазней заказ быў павялічаны — усяго ЗША мусяць паставіць Варшаве каля 500 такіх сістэм.

Паводле Блашчака, Польшча працягне ўмацоўваць злучэнні, размешчаныя непадалёк ад Расіі і Беларусі.

— Мы пашыраем 16-ю механізаваную дывізію, камандаванне якой знаходзіцца ў Ольштыне. Мы аднаўляем злучэнні, якія былі ліквідаваныя — напрыклад, у Аструдзе ў 2011 годзе. Ствараем і новыя. У Алецка гэта будзе падраздзяленне, якое стане часткай 1-й Мазурскай артылерыйскай брыгады, якая базуецца ў Венгожэве, — сказаў міністр.

Кіраўнік Міністэрства нацыянальнай абароны Польшчы дадаў, што новае падраздзяленне ў Венгожаве будзе абсталяванае карэйскімі самаходнымі гаўбіцамі K9 і польскімі гаўбіцамі Krab, якія, як ён адзначыў, будуць паслядоўна набываць для польскага войска.

Таксама, паводле Блашчака, у 16-ю дывізію паставяць найноўшыя гусенічныя баявыя машыны пяхоты «Барсук», распрацаваныя ў Польшчы.

Нагадаем, пасля пачатку вайны ва Украіне Польшча пачала фармаваць дзве новыя дывізіі на ўсходзе краіны. Да 2018 года польская армія мела ўсяго тры дывізіі, прычым на ўсходзе знаходзілася толькі тая самая 16-я, на ўзбраенне якой і паступяць HIMARS.