Нацыянальны авіяперавозчык «Белавія» 17 студзеня абвясціў акцыю на білеты па тарыфе «ПРОМА» — 24 еўра ў адзін бок на ўсе прамыя рэгулярныя рэйсы.
«Толькі сёння — білеты па тарыфе „ПРОМА“ за 24 еўра ў адзін бок на ўсе прамыя рэгулярныя рэйсы. Перыяд падарожжа: з 17.01.2024 да 24.03.2024. Максімальны тэрмін знаходжання ў пункце прызначэння па маршруце туды-назад — 1 месяц», — паведамілі ў прэс-службе авіяперавозчыка.
Акцыйны білет у адзін бок абыдзецца ў 24 еўра, туды-назад — 48 еўра. Да цаны трэба дадаць таксы і зборы.
«Камбінацыя тарыфнага брэнда „ПРОМА“ з іншымі даступнымі брэндамі дазволеная. Пры гэтым у выпадку камбінацыі тарыфных брэндаў да ўсяго авіябілета прымяняюцца правілы абмену/вяртання тарыфнага брэнда „ПРОМА“», — дадалі ў прэс-службе перавозчыка.