На пятніцу, 29 верасня, сіноптыкі абвясцілі па краіне жоўты ўзровень небяспекі праз туманы. Адпаведнае папярэджанне апублікаваў Белгідрамет.
29 верасня будзе малавоблачна і без ападкаў. Вецер паўднёвы слабы да ўмеранага. Уначы тэмпература паветра будзе ад +7°C да +13°C (месцамі +3…+6°C). Удзень паветра прагрэецца да +22…+27°С.
30 верасня ўдзень на большай частцы тэрыторыі краіны пройдуць кароткачасовыя дажджы. У асобных раёнах краіны магчымыя навальніцы. Днём слупок тэрмометра падымецца да +16°C у паўночна-заходніх раёнах. У паўднёва-ўсходняй частцы краіны паветра прагрэецца да +26°С.
У нядзелю пахаладае. Днём месцамі па краіне пройдуць кароткачасовыя дажджы. Тэмпература паветра ўдзень складзе +13…+20°С.