З 11 чэрвеня максімальныя рознічныя цэны на аўтабензіны і дызельнае паліва на АЗС павялічацца на адну капейку. Пра гэта паведамілі ў прэс-службе «Белнафтахіма».
Рознічныя цэны на АЗС 11 чэрвеня складуць: АІ-92-К5-Еўра — 2,30 рубля, АІ-95-К5-Еўра — 2,40 рубля, АІ-98-К5-Еўра — 2,62 рубля, ДП — 2,40 рубля.
Гэта чацвёртае павышэнне цэн на аўтамабільнае паліва сёлета. Апошні раз цана на дызель і бензіны змянялася на мінулым тыдні — 4 чэрвеня.
Нагадаем, 20 траўня ў «Белнафтахіме» расказалі, што камісія па пытаннях дзяржаўнага рэгулявання цэнаўтварэння пры Саўміне прыняла пастанову «Пра правядзенне стрыманага паэтапнага павышэння цэн маторнага паліва на восем капеек». Змяненне будзе адбывацца штотыдзень з крокам на адну капейку.