У жыроўках беларусаў за чэрвень, якія мусілі прыйсці бліжэй да 10 ліпеня, сумы за некаторыя паслугі будуць выстаўленыя па павышаных тарыфах. Прычына — іх падаражанне з 1 чэрвеня. «Люстэрка» расказвае, што канкрэтна падаражэла і на колькі вырастуць плацяжы за гарачую ваду.
Субсідыяваныя тарыфы на ацяпленне і падагрэў вады з 1 чэрвеня паднялі на 12,7% — да 24,7187 рубля за 1 Гкал.
Да прыкладу, за гарачую ваду (за 0,4198 Гкал) у двухпакаёвай кватэры ў Мінску на 50 «квадратаў», у якой прапісаны адзін чалавек, па льготным тарыфе за чэрвень выйдзе 10,37 рубля. У траўні выйшла б 9,2 рубля.
У кватэры, у якой ніхто не прапісаны, у чэрвені за такі ж спажыты аб’ём гарачай вады выйдзе сума ў 53 рублі. Для такога жылля тарыф паднялі з 1 студзеня.
З чэрвеня для насельніцтва таксама падаражэла электрычнасць і прыродны і звадкаваны газ для ацяплення. Так, электраэнергія стала даражэйшай на 3−13% у залежнасці ад тарыфу.
Нагадаем, у 2022 годзе з 1 чэрвеня таксама павышалі субсідыяваныя тарыфы на ацяпленне і падагрэў вады. Але пазней урад адмяніў гэтае павышэнне. Таксама чыноўнікі «адкруцілі» назад цэннік на электраэнергію, якую выкарыстоўваюць для ацяплення жылля і падагрэву вады.
Чытайце таксама
