Польскія памежнікі і вайскоўцы раніцай 10 красавіка сарвалі спробу больш чым 220 замежнікаў нелегальна перасекчы беларуска-польскую мяжу. Пра гэта паведамляе Памежная служба Польшчы.
Інцыдэнт адбыўся на ўчастку мяжы ў раёне Белавежы 10 красавіка каля 10.00.
«Група з больш чым 220 замежнікаў спрабавала нелегальна трапіць у Польшчу. Замежнікі былі вельмі агрэсіўныя — яны кідалі галінкі і камяні ў бок патрулёў», — гаворыцца ў паведамленні.
Пасля таго як спроба штурму правалілася, мігранты адступілі ўглыб Беларусі.